ବାଲେଶ୍ଵରର ୮ ଟି ପ୍ରସିଦ୍ଧ ମନ୍ଦିର

ବାଲେଶ୍ଵରର ୮ ଟି ପ୍ରସିଦ୍ଧ ମନ୍ଦିର 

୧. ଦ୍ଵିତୀୟ ପୁରୀ, ଇମାମୀ ଜଗନ୍ନାଥ ମନ୍ଦିର

       ଇମାମୀ ଜଗନ୍ନାଥ ମନ୍ଦିର ବାଲେଶ୍ଵରର ବାଳଗୋପାଳପୁରର ପେପର ମିଲ୍ ପରିସରରେ ନିର୍ମାଣ କରାଯାଇଛି |

ଏହି ମନ୍ଦିର ପୁରୀ ଜଗନ୍ନାଥ ମନ୍ଦିର ଓ କୋଣାର୍କ ମନ୍ଦିରର ପ୍ରତିକୃତି ଅଟେ | ଏହି ମନ୍ଦିର ନିର୍ମାଣ ପାଇଁ ୧୧ କୋଟି ଟଙ୍କା ଖର୍ଚ୍ଚ କରାଯାଇଛି | ଏହି ମନ୍ଦିରର ବିଶେଷତା ହେଉଛି ଏହା ଜାତି, ଧର୍ମ , ବର୍ଣ୍ଣ ନିର୍ବିଶେଷରେ ସମସ୍ତେ ଏହି ମନ୍ଦିର କୁ ପ୍ରବେଶ କରି ପାରିବେ ଓ ଦିଅଁ ଦର୍ଶନ କରି ପାରିବେ |

୨. ପଞ୍ଚଲିଙ୍ଗେଶ୍ଵର ମନ୍ଦିର

       ଏହା ନୀଳଗିରି ପାହାଡ଼ ଉପରେ ଅବସ୍ଥିତ ଏକ ଶିବ ମନ୍ଦିର ଅଟେ | ପାହାଡ଼ ଉପରକୁ ଯିବାକୁ ହେଲେ ପକ୍କା ନିର୍ମିତ ସିଡି ପ୍ରଥମେ ଚଢିବାକୁ ହେବ | ଦୁଇ ପଥର ସନ୍ଧିରେ ଝରଣାଟିଏ ବହି ଯାଇଛି | ସେହି ଝରଣା ତଳେ ଶିବଙ୍କ ୫ ଟି ଲିଂଗ ଅବସ୍ଥିତ | ଜଣେ ସେହି ପଞ୍ଚ ଲିଂଗ ଛୁଇଁବାକୁ ହେଲେ ପାଣି ଭିତରେ ହାତ ବୁଡେଇବାକୁ ହେବ | ଏହା ବାଲେଶ୍ଵରରୁ ୨୮.୬ କି.ମି ଦୂରତା ଅଟେ |

୩. ଚନ୍ଦନେଶ୍ଵର ଶିବ ମନ୍ଦିର

       ଏହା ଓଡିଶା ଓ ପଶ୍ଚିମବଂଗ  ସୀମା ପାଖରେ ଅବସ୍ଥିତ | ଏହା ଏକ ଶିବ ମନ୍ଦିର ଅଟେ | ପଣା ସଂକ୍ରାନ୍ତି ଅର୍ଥାତ୍ ଓଡ଼ିଆ ନବ ବର୍ଷ ଦିନ ଏଠାରେ ଭକ୍ତମାନଙ୍କର ଭିଡ଼ ଜମେ | ଦେଶର ବିଭିନ୍ନ ପ୍ରାନ୍ତରୁ ଏଠାକୁ ଭକ୍ତମାନେ ନିଜର ମନସ୍କାମନା ପୂରଣ ପାଇଁ ଆସିଥାନ୍ତି | ସେହି ଦିନ ଏଠାରେ ଏକ ବଡ଼ ମେଳା ଆୟୋଜିତ ହୋଇଥାଏ |

୪. ଭୁଷଣ୍ଡେଶ୍ଵର ଶିବ ମନ୍ଦିର

          ଏହା ଏକ ଶିବ ମନ୍ଦିର ଅଟେ | ଏହା ବାଲେଶ୍ଵରର ଚନ୍ଦନେଶ୍ଵର ରେ ଅବସ୍ଥିତ ଅଟେ ଏବଂ ଚନ୍ଦନେଶ୍ଵର ମନ୍ଦିର ଠାରୁ ୨୦ କି.ମି. ଦୂରରେ ଅବସ୍ଥିତ | ଏଠାରେ ଏସିଆର ସବୁଠାରୁ ବଡ଼ ଶିବ ଲିଂଗ ଅଛି | ଏହି ଲିଂଗ ର ଉଚ୍ଚତା ୧୨ ଫୁଟ୍, ଓ ମୋଟ ଗୋଲେଇ ୧୭ ଫୁଟ୍ | ଏହାର ଓଜନ ୧୬୮୦ କ୍ଵିଣ୍ଟାଲ୍ |

୫. କ୍ଷୀରଚୋରା ଗୋପିନାଥ ମନ୍ଦିର

 ଏହା ରେମୁଣାରେ ଅବସ୍ଥିତ | ବାଲେଶ୍ଵର ରେଳ ଷ୍ଟେସନରୁ ଏହା ୯ କି.ମି. ଦୂରତାରେ ଅବସ୍ଥିତ | କ୍ଷୀରଚୋରାର ଅର୍ଥ ଶ୍ରୀକୃଷ୍ଣ ବାଲ୍ୟାବସ୍ଥାରେ ଲହୁଣୀ ଚୋରୀ କରିବାକୁ ବୁଝାଏ | ଏହି ମନ୍ଦିରକୁ ଗଂଗ ବଂଶର ରାଜା ଲାଙ୍ଗୁଳା ନରସିଂହ ଦେବ ନିର୍ମାଣ କରିଥିଲେ | ବୃନ୍ଦାବନର ତ୍ରୀ-ମୂର୍ତ୍ତି ଶ୍ରୀ ମଦନମୋହନ, ଶ୍ରୀ ଗୋବିନ୍ଦ ଓ ଶ୍ରୀ ଗୋପିନାଥ ଭଳି ଏଠାରେ ତିନି ଠାକୁର ବିରାଜିତ ହୋଇ ଥିବାରୁ ଏହାକୁ ପୂର୍ବ ଭାରତର ଗୁପ୍ତ ବୃନ୍ଦାବନ କୁହାଯାଏ |

୬. ଲକ୍ଷ୍ମୀ ନାରାୟଣ ମନ୍ଦିର   

          ଏହା ବାଲେଶ୍ଵରର ମଲ୍ଲୀକାଶପୁରରେ ଆବସ୍ଥିତ | ଏହା ଏକ ହିନ୍ଦୁ ମନ୍ଦିର ଅଟେ | ପ୍ରତିଦିନ ଭକ୍ତମାନେ ଠାକୁର ଦର୍ଶନ କରିବାକୁ ଏଠାକୁ ଅସନ୍ତି |

୭. ଜଗନ୍ନାଥ ମନ୍ଦିର , ବାଲିଆପାଳ

          ଏହା ବାଲେଶ୍ଵରରୁ ୫୨.୯ କି.ମି . ଦୂରରେ ବାଲିଆପାଳରେ ଅବସ୍ଥିତ | ଏହାର ରଥଯାତ୍ରା ଓ ବାହୁଡା ଯାତ୍ରା ପ୍ରସିଦ୍ଧ ଅଟେ | ରଥ ଯାତ୍ରାରେ ରାଜ୍ୟର ବିଭିନ୍ନ ସ୍ଥାନରୁ ଅନେକ ଭକ୍ତ ମାନେ ତିନି ଠାକୁରଙ୍କ ଦର୍ଶନ କାମନାରେ ଆସିଥାନ୍ତି |

୮. ଲଙ୍ଗଳେଶ୍ଵର ଶିବ ମନ୍ଦିର 

          ଏହା ବାଲେଶ୍ଵରରୁ ୪୮ କି.ମି . ଦୂରରେ ଲଙ୍ଗଳେଶ୍ଵରର ପାର୍ବତୀ ନଦୀ କୂଳରେ ଅବସ୍ଥିତ | ଏଠାରେ ପୁରାଣ ଯୁଗରେ ଭଗବାନ ଶିବ ଧାନ ବିଲରେ ହଳ କରୁଥିବାର ପୁରାଣରେ ବର୍ଣ୍ଣିତ ଅଛି | ତେଣୁ ଏଠାରେ ଭଗବାନ ଶିବଙ୍କ ସହିତ ଲଙ୍ଗଳକୁ ମଧ୍ୟ ପୂଜା କରାଯାଏ | ଏଠାରେ ଜାଗର ଦିନ ବହୁତ ଭିଡ଼ ହୁଏ | ମହାଶିବ ରାତ୍ରୀଠାରୁ ଠିକ ଏକ ମାସ ପର୍ଯ୍ୟନ୍ତ ଏଠାରେ ଜାଗର ମେଳା ଆୟୋଜିତ ହୋଇଥାଏ |